50 हजारांची डिमांड,15 हजारांवर सेटलमेंट अन् एसीबीची झडप! सरपंच पती-पत्नीचा मुजोरपणा नडला

नाशिक :  नाशिक जिल्ह्यातील दिंडोरी तालुक्यात मंत्री नरहरी झिरवाळ यांच्या मतदारसंघात लाचलुचपत प्रतिबंधक विभागाने (एसीबी) मोठी आणि धक्कादायक कारवाई करत रासेगाव ग्रामपंचायतीच्या सरपंच मंदा बेंडकुळे आणि त्यांचे पती विठ्ठल बेंडकुळे यांना लाच स्वीकारताना रंगेहात अटक केली. उपसरपंचावरील अविश्वास ठराव नामंजूर करण्यासाठी 50 हजार रुपयांची लाच मागितल्याचा आरोप असून त्यातील 15 हजार रुपये स्वीकारताना ही कारवाई करण्यात आली. या घटनेमुळे संपूर्ण दिंडोरी तालुक्यात तसेच राजकीय वर्तुळात मोठी खळबळ उडाली आहे.