घटस्फोटीत, गर्भवती अन् विवाहित, कुणालाही सोडत नव्हता अशोक खरात, 3 FIR मधून सगळी विकृती समोर

पोलीस सूत्रांनी दिलेल्या माहितीनुसार, वासनांध भोंदूबाबा अशोक खरात याने आपल्या ओळखीच्या व्यक्तीच्या पत्नीला देखील आपल्या वासनेचा शिकार बनवलं आहे. धक्कादायक बाब म्हणजे संबंधित महिला सात महिन्यांची गर्भवती होती. बाळाचा जन्म सुरक्षित व्हावा, चांगली पुत्रप्राप्ती व्हावी, याच्या नावाखाली आरोपी अशोक खरातने गर्भवती महिलेवर लैंगिक अत्याचार केले. घटनेच्या वेळी पीडितेचा पतीदेखील त्याच ठिकाणी होता. आरोपीनं विधी करण्याच्या बहाण्याने पतीला केबिनमधून बाहेर काढलं आणि त्याच्या गर्भवती पत्नीवर अत्याचार केला.

तिसऱ्या प्रकरणात आरोपीनं एका घटस्फोटीत महिलेवर देखील अत्याचार केला आहे. आरोपीनं घटस्फोटीत महिलेला लग्नाचं आमिष दाखवून आणि आर्थिक लाभ देण्याचं आमिष दाखवून वारंवार अत्याचार केला आहे. तसेच तिचं लग्न ठरलेल्या व्यक्तीसोबत आयुष्यात शुभ काळ येईल, असा विश्वास देत आरोपीनं विकृत प्रकार केला. एवढंच नव्हे यातून पीडित महिला गर्भवती झाल्यानंतर आरोपीनं तिचा गर्भपात करण्यासाठी औषध दिलं. तांत्रिक विधीसह अघोरी पूजाविधी करून मुलाचं बरं वाईट होईल, अशी धमकी देत तो पीडितेवर वारंवार अत्याचार करत होता.

मी एक अवतारी पुरुष आहे. मला त्रिकाळ ज्ञान आहे. तू मागील जन्मात अप्सरा होती, असं भासवत आरोपीनं तिला संमोहित केलं होतं. शिवाय तुझा घटस्पोट लिखित होता. मी तुझ्याशी लग्न करतो, तुझ्या मुलांचा सांभाळ करतो असे सांगून आरोपीनं तिच्यावर वारंवार लैंगिक अत्याचार केला. आता या प्रकरणी पीडित महिलेनं सरकारवाडा पोलीस ठाण्यात फिर्याद दाखल केली आहे. पोलिसांनी तिन्ही गुन्ह्यांच्या गांभीर्याने दखल घेतली असून घटनेचा तपास केला जात आहे.