‘इंडिगो’चा मोठा निर्णय! दिल्ली, बंगळुरूची विमानसेवा तुर्तास स्थगित, नाशिककरांना फटका, कारण काय?
- Reported by:Kunal Santosh Dandgaval
- Published by:Shankar Pawar
Last Updated:
Nashik News: नाशिकच्या ओझर विमानतळावरून सध्या सहा शहरांसाठी सेवा उपलब्ध आहे, ज्यामध्ये दिल्लीची सेवा अत्यंत महत्त्वाची मानली जाते.
नाशिक: नाशिककरांसाठी विमान प्रवासाबाबत एक मोठी आणि चिंताजनक बातमी समोर येत आहे. विमान कंपनी 'इंडिगो'ने तांत्रिक कारणास्तव नाशिक-दिल्ली सकाळची विमानसेवा तूर्त स्थगित केली आहे. विशेष म्हणजे, यापूर्वीच नाशिक-बंगळूर विमानसेवाही स्थगित करण्यात आली आहे. पायलट्सच्या कामाचे पुनर्नियोजन करण्यासाठी कंपनीने हा कपातीचा निर्णय घेतल्याचे समजते.
विमानसेवेचे वेळापत्रक आणि कपात
नाशिकच्या ओझर विमानतळावरून सध्या सहा शहरांसाठी सेवा उपलब्ध आहे, ज्यामध्ये दिल्लीची सेवा अत्यंत महत्त्वाची मानली जाते. स्थगित करण्यात आलेले वेळापत्रक खालीलप्रमाणे आहे:
नाशिक-दिल्ली (सकाळची सेवा):
वेळ: दिल्लीहून सकाळी 6:45 ला निघून 8:30 ला नाशिकला आगमन. नाशिकहून सकाळी 9:00 ला निघून 11:00 वाजता दिल्लीला पोहोचणे.
वार: सोमवार, बुधवार आणि शुक्रवार ही सेवा आता बंद राहील.
advertisement
नाशिक-बंगळूर (दुपारची सेवा):
वेळ: दुपारी 1:20 ला बंगळूरहून निघून 3:00 वाजता नाशिकला आगमन. नाशिकहून 3:40 ला निघून 5:30 वाजता पोहोचणे.
वार: मंगळवार आणि गुरुवारची ही सेवा महिनाभरासाठी आधीच स्थगित करण्यात आली आहे.
नेमके कारण काय?
कंपनीने अधिकृतरीत्या 'तांत्रिक कारण' दिले असले, तरी उद्योजक मनिष रावळ यांनी दिलेल्या माहितीनुसार, पायलट्सच्या कामाच्या तासांचे पुनर्नियोजन करण्यासाठी अनेक विमान कंपन्यांनी सध्या आपल्या सेवेत कपात करण्याचे धोरण स्वीकारले आहे. याचा थेट फटका नाशिकच्या हवाई कनेक्टिव्हिटीला बसला आहे.
advertisement
दिल्ली आणि बंगळूर यांसारख्या व्यावसायिक केंद्रांशी जोडणारी महत्त्वाची विमानसेवा अचानक बंद झाल्यामुळे उद्योजक, पर्यटक आणि विद्यार्थ्यांचे मोठे हाल होणार आहेत. ही सेवा पुन्हा कधी सुरू होणार, याकडे आता सर्वांचे लक्ष लागले आहे.
Location :
Nashik,Maharashtra
First Published :
Feb 11, 2026 1:42 PM IST
मराठी बातम्या/महाराष्ट्र/नाशिक/
‘इंडिगो’चा मोठा निर्णय! दिल्ली, बंगळुरूची विमानसेवा तुर्तास स्थगित, नाशिककरांना फटका, कारण काय?
