अजितदादा गेले, राष्ट्रवादीची सूत्रं पुन्हा जाणार पवार कुटुंबाकडे, आज घडणार मोठी घडामोड

प्रणाली कापसे, प्रतिनिधी मुंबई: महाराष्ट्राच्या राजकारणातून एक अत्यंत महत्त्वाची बातमी समोर येत आहे. राष्ट्रवादी काँग्रेस पक्षाच्या (अजित पवार गट) राष्ट्रीय अध्यक्षपदाची निवड आज होणार आहे. अजित पवारांच्या निधनानंतर पक्षाचा राष्ट्रीय अध्यक्ष कोण होणार? याबाबत विविध चर्चा सुरू होत्या. सुनेत्रा पवारांसह, सुनील तटकरे, प्रफुल्ल पटेल यांच्या नावाची चर्चा सुरू होती. मात्र आता अखेर पक्षाची धुरा सुनेत्रा पवार यांच्या खांद्यावर सोपवली जाण्याची शक्यता आहे. आज मुंबईतील वरळी येथील डोम येथे सायंकाळी ५ वाजता पक्षाची महत्त्वपूर्ण बैठक आयोजित करण्यात आली असून, याच बैठकीत सुनेत्रा पवार यांच्या नावावर शिक्कामोर्तब होण्याची शक्यता वर्तवण्यात येत आहे.