Satara: 1 वर्ष 27 दिवसांची मृत्यूशी झुंज अपयशी, कराडच्या नीलम शिंदेंचं अमेरिकेत निधन, डोळ्यात पाणी आणणारा निर्णय

कराड: उच्च शिक्षणासाठी अमेरिकेमध्ये गेलेल्या एका महाराष्ट्रीयन तरुणीच्या संघर्षाची डोळ्यात पाणी आणणारी घटना समोर आली आहे.महाराष्ट्रातील साताऱ्याच्या कराड तालुक्यात राहणाऱ्या नीलम तानाजी शिंदे या तरुणीची अखेर झुंज अपयशी ठरली आहे. अमेरिकेत एका अपघातात जखमी झालेल्या नीलम शिंदे यांचं उपचारादरम्यान निधन झालं आहे. मागील 1 वर्ष 27 दिवसांपासून नीलम या कोमात होत्या.अखेरीस त्यांची प्राणज्योत मालवली. दुर्दैवाची गोष्ट म्हणजे, आखाती देशातील युद्धामुळे साताऱ्यातून त्यांच्या वडिलांना आपल्या लेकीच्या अंत्यसंस्काराला जाता आलं नाही. त्यामुळे आपल्या लेकीला ते अखेरचा निरोपही देऊ शकले नाही.

महाराष्ट्रातील साताऱ्याच्या कराड तालुक्यातील नीलम तानाजी शिंदे यांचा अमेरिकेत 14 फेब्रुवारी 2025 रोजी अमेरिकेतील Sacramento येथे सायंकाळी 7.30 वाजता (अमेरिकन वेळेनुसार) दुर्दैवी अपघात झाला होता. त्या अपघातानंतर तिला तात्काळ युनिव्हर्सिटी ऑफ कॅलिफोर्निया हॉस्पिटल  येथे उपचारासाठी दाखल करण्यात आले. तेंव्हापासून त्या कोमामध्ये होती. डॉक्टरांनी नीलम शिंदे यांच्यावर शक्य ते सर्व उपचार केले, परंतु प्रकृतीत अपेक्षित सुधारणा झाली नाही. जवळपास 13 महिने त्यांच्यावर उपचार सुरू होते. अपघातात झालेल्या गंभीर दुखापतींमुळे अखेर तिच्या शरीराने साथ दिली नाही आणि 28 मार्च 2026 रोजी उपचार सुरू असतानाच तिचे दु:खद निधन झालं.