Pune News: 30 कोटीचं कर्ज हवयं, महिला मतदारांना वाटणार, पठ्ठ्याचं थेट वर्ल्ड बँकेलाच पत्र

पिंपरी-चिंचवड: निवडणुकीत महिला मतदारांची निर्णायक भूमिका समोर आली आहे. त्यामुळेच सगळ्या पक्षांकडून महिला मतदारांना आपल्या बाजूने वळवण्यासाठी जोरदार प्रयत्न सुरू केले आहेत. काही राज्यांमध्ये निवडणुकीच्या आधीच महिलांसाठी आर्थिक मदत देणाऱ्या योजना सुरू करण्यात आल्या. या योजनांमुळे निवडणुकीचे समीकरण बदलले आहे. आता पिंपरी-चिंचवड महापालिका निवडणुकीसाठी इच्छुक असलेल्या उमेदवाराने थेट वर्ल्ड बँकेला पत्र लिहिले आहे. महिला मतदारांना पैसे वाटण्यासाठी हे कर्ज हवं असल्याचे या उमेदवाराने म्हटले. उमेदवाराच्या या पुणेरी उपरोधिक पत्राने चांगलीच चर्चा सुरू झाली आहे.