गाड्या अडवून मागायची लाच, व्यावसायिकाला छळलं, पुण्यात बड्या महिला अधिकाऱ्याला अटक

मिळालेल्या माहितीनुसार, भोर येथील २३ वर्षीय तक्रारदार व्यावसायिक आहेत. त्यांनी १९ नोव्हेंबर ते १० डिसेंबर या कालावधीसाठी २०० ब्रास माती वाहतुकीचा कायदेशीर परवाना घेतला होता आणि त्यासाठी शासनाकडे नियमानुसार १ लाख २६ हजार २३० रुपये रॉयल्टी जमा केली होती. परवान्यानुसार त्यांची माती वाहतूक सुरू असताना, ३० नोव्हेंबर रोजी मंडळाधिकारी रूपाली गायकवाड यांनी त्यांच्या गाड्या अडवल्या आणि माती वाहतूक सुरळीत चालू ठेवण्यासाठी लाचेची मागणी केली.

एसीबीने तक्रारीची गांभीर्याने दखल घेऊन पडताळणी केली. पडताळणीत मंडळाधिकारी गायकवाड यांनी तक्रारदाराकडे पुन्हा एकदा १ लाख रुपयांची लाच मागितल्याचे स्पष्ट झाले. लाचेची रक्कम स्वीकारण्यासाठी गायकवाड यांनी तक्रारदाराला भोर शहराबाहेरील अभिजीत मंगल कार्यालयाजवळ भेटण्यास बोलावले.