Local Body Election : आयारामांचा पत्ता कट, थेट पेरुवालीला तिकिट, कोण आहे अजितदादांची चर्चेतील उमेदवार?

अनिस शेख/ गणेश दुडूम, प्रतिनिधी, पुणे: राज्यातील राजकारणाने अनेक मर्यादा ओलांडलेल्या आहेत. निवडणूक प्रचारात आता फक्त आश्वासनांचा महापूर येत नाही तर त्याच्या सोबत 'लक्ष्मी दर्शन'ही काहीजण करतात. अप्रत्यक्षपणे बडे नेते याचे समर्थन करणारे वक्तव्यही करतात. निवडणुकीत वाढलेल्या खर्चामुळे लोकशाहीत सामान्यांना निवडणूक लढवणे अशक्य झाल्याचे म्हटले जाते. मात्र, अशात लोणावळ्यात मात्र एक सकारात्मक चित्र पहायला मिळतंय. फळ विक्रीचा व्यवसाय करणाऱ्या भाग्यश्री जगतापांना अजित पवारांच्या राष्ट्रवादीनं उमेदवारी दिलीयं. त्यामुळं आदिवासी समाजातील या कुटुंबाचं भाग्य उजळलंय. पण राजकारणाचा गंध ही नसलेल्या जगताप कुटुंबासमोर आता प्रचाराच्या रणधुमाळीला सामोरं जाण्याचं मोठं आव्हान असणार आहे.