अजितदादांना जे खटकायचं ते रोहित पवारांनी टाळलं; तेराव्या दिवशी भावनिक कृती, शेवट काकांवर प्रेमच की...!

पुणे :  रोहित पवार आणि अजित पवार यांच्यातील नाते तसे एकदम खास. रोहित पवार हे भविष्यातील भारदस्त नेते होण्याची ताकद ठेवतात हे अजित पवार यांनी ओळखले होते. त्यामुळेच जिथे चुकेल तिथे काका म्हणून अधिकारवाणीने ते रोहित पवार यांना रागवत असत. रोहित पवार यांनीही काकांचे बोलणे मनाला लावून घेतले नाही. काही वर्षे राजकारणातील वाटा जरी वेगळ्या झाल्या तरी काका पुतण्याचे नाते त्यांनी प्रेमाने जपले. काका म्हणून रागावण्याचे ओरडण्याचे सगळे अधिकार रोहित पवार यांनी अजितदादांकडे जैसे थे ठेवले. एरवी राजकीय चूल वेगळी मांडल्यावर नात्यात दुरावा येतो. परंतु पवार घराण्यातील शिकवणीमुळे त्यांच्या नात्यात कधी अंतर पडले नाही.