सोन्यापेक्षाही भारी अन् मौल्यवान; सर्वात हुशार एक्सपर्ट सांगितला असा पर्याय, ज्याचा कोणी विचारच केला नव्हता

कियोसाकी यांच्या मते, सोने ही जरी मौल्यवान धातू असली तरी तिची एक मोठी मर्यादा आहे. सोन्याची उपलब्धता आर्थिकदृष्ट्या “अनंत” असल्याचे ते सांगतात. जेव्हा सोन्याच्या किमती वाढतात, तेव्हा जगभरात नवीन खाणी सुरू होतात, अधिक प्रमाणात सोने उत्खनन केले जाते. म्हणजेच किमती वाढल्या की त्याच वेळी बाजारातील पुरवठाही वाढतो.

बिटकॉइनचा संपूर्ण मॉडेल सोन्यापेक्षा वेगळा आहे. बिटकॉइनची एकूण संख्या आधीच निश्चित करण्यात आलेली आहे आणि भविष्यात त्यापेक्षा जास्त बिटकॉइन तयार होऊ शकत नाहीत. याच कारणामुळे बिटकॉइनच्या किमतींना दीर्घकालीन स्थैर्य आणि मजबुती मिळते.

सध्याच्या बाजारस्थितीबाबत बोलताना कियोसाकी सांगतात की, बिटकॉइनची किंमत सध्या सुमारे 70,000 डॉलरच्या आसपास स्थिर आहे. मात्र ती आपल्या आतापर्यंतच्या सर्वोच्च पातळीपासून (126,000 डॉलरपेक्षा अधिक) सुमारे 44 टक्क्यांनी खाली आहे. दुसरीकडे सोन्याची किंमतही आपल्या उच्चांकी पातळीपासून (5,595 डॉलर) सुमारे 10 टक्क्यांनी घसरून आता स्थिरावली आहे.