धक्कादायक! नायलॉन मांजाने गळा चिरला, पाथर्डीत 23 वर्षीय तरुणाचा मृत्यू

नाशिकच्या पाथर्डी इंदिरानगर परिसरात ही दुर्घटना घडली. नायलॉनमुळे जखमी झालेल्या तरुणाला जिल्हा रुग्णाला उपचारासाठी तातडीनं दाखल करण्यात आलं. मात्र उपचारापूर्वीच त्याचा मृत्यू झाला आहे. सोनू किसन धोत्रे अस नायलॉन मांजामुळे मृत्यू झालेल्या 23 वर्षीय युवकाचे नाव आहे.

राज्यात नायलॉन मांजा वापरणाऱ्या आणि विक्री करणाऱ्या लोकांवर पोलिसांकडून कारवाई केली जात आहे. नाशिकमध्ये 9 अल्पवयीन मुलांच्या वडिलांना पोलिसांनी अटक करुन तुरुंगात पाठवलं. नायलॉन मांजाचा वापर करून पतंग उडवत असताना पोलिसांनी या मुलांच्या पालकांवर कारवाई केली. नाशिकमध्ये आतापर्यंत 50 जणांविरोधात गुन्हा दाखल करण्यात आलाय, त्यापैकी 13 जणांना न्यायालयीन तर 8 जणांना 2 दिवस पोलीस कोठडी सुनावण्यात आली आहे.

जळगाव शहरातील बेंडाळे चौक ते पांझरापोळ चौक दरम्यान प्रतिबंधित नायलॉन मांजाची विक्री करणाऱ्या दोन युवकांना शनिपेठ पोलिसांनी ताब्यात घेतले आहे. दर्शन शिंपी नामक तरुणासह एका अल्पवयीन बालकाविरुद्ध गुन्हा दाखल करण्यात आला आहे. दोघ जण चोरून नायलॉन मांजा विक्री करताना पोलिसांना आढळून आलेत. त्यांच्याविरुद्ध BNS कलम 125, 223 आणि पर्यावरण संरक्षण अधिनियमातील कलम 5, 15 अन्वये गुन्हा दाखल करण्यात आला.

नोकरीवर जाणाऱ्या फौजदाराचा नायलॉन मांजाने गळा चिरला. अति रक्तस्त्राव होऊन पोलीस फौजदार बेशुद्ध झाला होता. रक्तबंबाळा अवस्थेत नागरिकांनी रुग्णालयात दाखल केले. दीपक पारधे असे गंभीर जखमी झालेल्या पोलीस फौजदाराचे नाव आहे. साताऱ्याहून जात असताना घटन घडली. नायलॉन मांजा पकडण्यात शहर पोलीस अपयशी झाल्याचा संताप व्यक्त केला जातोय, चक्क पोलीस अधिकारीच जखमी झाल्याच्या घटना समोर आली आहे.