Railway Update: सोलापूर – हुबळी रेल्वेसेवा 10 दिवस विस्कळीत, 9 गाड्या रद्द, गैरसोय टाळण्यासाठी पाहा वेळापत्रक

हम्पी, होस्पेट, सोलापूर, पंढरपूर, धारवाड व हुबळी या रेल्वे मार्गावर प्रवास करणाऱ्या प्रवाशांची गैरसोय होणार आहे. या रेल्वे मार्गाचे दुहेरीकरण करण्याचे काम झाल्यावर रेल्वे गाड्यांची गती वाढणार असून प्रवाशांच्या वेळेची बचत देखील होणार आहे. तसेच पंढरपूर म्हैसूर गोलगुंबज एक्सप्रेस 23 ऑगस्ट रोजी पंढरपूर येथून 60 मिनिटे उशिरा सुटेल. प्रवाशांनी वेळेतील बदल लक्षात घेऊन प्रवास करण्यापूर्वी रेल्वेच्या अधिकृत वेबसाईट किंवा स्थानिक रेल्वे स्थानकावर तपशील तपासूनच प्रवास करावा, असे आवाहन रेल्वे प्रशासनाद्वारे करण्यात आले आहे.

यशवंतपूर - विजयपूर एक्सप्रेस बागलकोट पर्यंत धावणार आहे. तर विजयपूर - यशवंतपूर एक्सप्रेस 12 ते 13 ऑगस्ट रोजी बागलकोटून सुरू होईल. म्हैसूर ते बागलकोट बसवा एक्सप्रेस विजयपूर ऐवजी 14 ते 23 ऑगस्ट दरम्यान बागलकोट पर्यंत धावणार असून सुपरफास्ट होस्पेट - मुंबई 13 ते 22 ऑगस्ट रोजी विजयपूरहून सुरू होईल. 14 ऑगस्ट ते 23 ऑगस्ट रोजी मंगळूर ते विजापूर एक्सप्रेस बागलकोट - हुबळीपर्यंत धावेल आणि विजयपूर मंगळूर ही एक्सप्रेस गाडी बागलकोट - हुबळी होऊन सुरू होईल. तर 14 ते 19 ऑगस्ट पर्यंत हुबळी विजापूर पॅसेंजर बागलकोट पर्यंत धावेल.

अलमट्टी, जनमकुंटी, मुगळोळी आणि बागलकोट या 35 किलोमीटर रेल्वे मार्गाच्या दुहेरीकरणामुळे रेल्वे वाहतुकीमध्ये बदल करण्यात आले आहेत. काही गाड्या रद्द आहेत, तर काहींच्या मार्गात बदल झाला आहे. दोन दिवसांत निश्चित नोटीफिकेशन निघेल, अशी माहिती वरिष्ठ मंडल प्रबंधक योगेश पाटील यांनी दिली.