म्हाडाच्या जुन्या इमारतींच्या रिडेव्हलपमेंटच्या नियमांत राज्य सरकारकडून बदल! नवीन नियम काय असणार?

मुंबई : शहरातील म्हाडाच्या जीर्ण आणि धोकादायक इमारतींच्या पुनर्विकासाला गती देण्यासाठी राज्य सरकारने नियमांमध्ये महत्त्वपूर्ण बदल केले आहेत. या सुधारित नियमांना विकासकांकडून सकारात्मक प्रतिसाद मिळत असून, गेल्या सहा महिन्यांत तब्बल १० पुनर्विकास प्रकल्पांचे प्रस्ताव प्राप्त झाले आहेत. त्यापैकी एका प्रकल्पाला ‘ना हरकत प्रमाणपत्र’ (NOC) देण्यात आले आहे, अशी माहिती गृहनिर्माण मंत्री शंभूराज देसाई यांनी विधानसभेत दिली.