माझं नाव नाही घेतलं? जिल्हाध्यक्षाने आक्षेप घेतला, तटकरेंनी अजितदादा स्टाईलने झापलं

यावेळी पक्षाचे जालना जिल्हाध्यक्ष अरविंदराव चव्हाण यांनी माझे नाव घेतले नाही, असा आक्षेप सुनील तटकरे यांच्या भाषणावेळी घेतला. त्यावेळी तुमचे नाव आधी घेतले. तुम्ही गप्पा मारण्यात दंग होतात. मी अध्यक्ष असल्याने अध्यक्षाचा सन्मान माझ्याएवढा कुणी करू शकत नाही, अशा शब्दात तटकरे यांनी आक्षेप घेणारे जिल्हाध्यक्ष अरविंदराव चव्हाण यांना सुनावले.

पक्षात शिस्त महत्वाची आहे. आमदारांआधी मी जिल्हाध्यक्षांचे नाव घेतले. हळूहळू तुम्हालाही शिस्त लागेल. शिस्त लागली की आपोआप घेतलेली नावे ऐकायला येतील, असेही तटकरे यांनी अरविंदराव चव्हाण यांना ऐकवले.

माजी आमदार सुरेशकुमार जेथलिया यांच्यासह त्यांच्या समर्थकांनी राष्ट्रवादी काँग्रेस पक्षात प्रवेश केला. शिव-शाहू-फुले-आंबेडकरांच्या विचारांवर चालणाऱ्या या पक्षात मी जेथलिया यांचं आणि तमाम कार्यकर्त्यांचं मनापासून स्वागत करतो. या भव्य अशा प्रवेश सोहळ्याच्या निमित्तानं नवीन जनसेवेकरी आमच्यात सामील झाल्यानं पक्ष अधिक बळकट बनला आहे. पक्षानं हाती घेतलेल्या जनकल्याणाच्या कार्यात सगळेजण नव्या ऊर्जेनं कामाला लागतील, असा विश्वास मला आहे, असे म्हणत त्यांनी सर्व कार्यकर्ते आणि पदाधिकाऱ्यांना पुढील यशस्वी वाटचालीसाठी शुभेच्छा दिल्या.