डोंबिवलीत मिळते चविष्ट व्हेज चायनीज, व्हरायटी इतकी की तुम्हीही थक्क व्हाल, खवय्यांचे आवडीचे ठिकाण आहे तरी कुठे?

ठाणे - डोंबिवलीत अनेक खाद्यपदार्थांची ठिकाणे आहे. यामध्ये आता व्हेज चायनीज ते सुद्धा अगदी स्वस्त किमती उपलब्ध झाले आहे. डोंबिवलीत पहिल्यांदाच द ग्रीन वॉक म्हणून व्हेज चायनीजचे दुकान सुरू झाले आहे. द ग्रीन वॉक या डोंबिवलीतील सुभाष रोड जवळ असणाऱ्या दुकानात चायनीजचे सगळे पदार्थ अगदी स्वस्त किमतीत मिळतात.

संजय खोत असे या हॉटेलच्या मालकाचे नाव आहे. संजय खोत या तरुणाने हॉटेल मॅनेजमेंटचे शिक्षण घेतले. यानंतर या डोंबिवलीकर तरुणाने एक वर्षापूर्वी या चायनीजच्या व्यवसायाला सुरुवात केली. संकेत खोतच्या या चायनीजच्या दुकानात चिली, चिली कॉम्बो, सुप, भेळ, राईस, नूडल्स यामध्ये खूप प्रकार उपलब्ध आहेत. इथे कॉम्बोमध्ये राईस, नूडल्स, मंच्युरियन, चिली, मोजिटो या सगळया गोष्टी फक्त 99 रुपयांना मिळतात. भेल का खजाना यामध्ये वॉक भेल, तडका भेल, मंचुरियन चायनीज भेल सुध्दा 20 रुपयांपासून मिळतात. मोमोजमध्ये सुद्धा व्हेज मोमोज, पनीर मोमोज, पनीर टिक्का मोमोज सुद्धा खूप फेमस आहेत. यांची किंमत 80 रुपयांपासून सुरू होते.