Upma Receipe : रव्याचा उपमा मऊ अन् मोकळा करण्याची रेसिपी, खास VIDEO

ठाणे - सकाळी नाश्त्यासाठी झटपट होणारा आणि सगळ्यांना आवडणारा पदार्थ म्हणजे उपमा आहे. उपमा बनवताना त्याचा अंदाज परफेक्ट असावा लागतो. जर पाण्याचा आणि रव्याचा अंतर चुकला तर उपमा पिठासारखा होतो. असा पिठाच्या गोळ्यासारखा उपमा होऊ नये म्हणून काय करावे आणि लुसलुशीत उपमा कसा बनवावा, याचीच रेसिपी आपण आज जाणून घेऊयात.

साहित्य - अर्धा वाटी रवा, एक टोमॅटो बारीक चिरलेला, एक कांदा बारीक चिरलेला, दोन ते तीन मिरच्या, अर्धी वाटी मूग, थोडी साखर आणि चवीपुरतं मीठ.

कृती - सर्वप्रथम कढईमध्ये रवा टाकून तुपात थोडे परतून घ्यावे. लालसर रंग येईपर्यंत रवा भाजला की तो बाजूला काढून घ्यावा. त्यानंतर पुन्हा कढईत दोन चमचे तेलात कांदा टाकावा. कांदा परतल्यानंतर त्यात मिरची, मुगडाळ आणि टोमॅटो टाकून पुन्हा पाच मिनिटे परतवावी. त्यानंतर कढईमध्ये थोडी चिमूटभर साखर आणि मीठ घालून घ्यावे. ते व्यवस्थित शिजल्यानंतर त्यात भाजलेला रवा घालावा.