ट्यूशनला गेल्या अन् परतल्याच नाही, बुलढाण्यातून 3 मुली अचानक गायब, पालकांना वेगळीच भीती

राहुल खंडारे, प्रतिनिधी बुलढाणा : बुलढाणा जिल्ह्यातील जळगाव जामोद तालुक्यातून पालकांची चिंता वाढवणारी बातमी समोर आली आहे. जळगाव जामोदच्या सुनगाव येथील तीन अल्पवयीन मुली क्लाससाठी घरून निघाल्या, मात्र त्या रात्री उशिरापर्यंत घरी आल्याच नाहीत. या घटनेमुळे संपूर्ण बुलढाणा जिल्ह्यात खळबळ उडाली. या तिन्ही मुलींचं अज्ञातांनी अपहरण केल्याचा संशय पालकांनी व्यक्त केला आहे. बेपत्ता झालेल्या मुलींची नावे चंचल, सानिका आणि तेजस्विनी अशी आहेत. या तिन्ही अल्पवयीन मुली सुनगाव येथील रहिवासी आहेत.