कपडे जाळले, डोक्यात रॉड घातला, जिवंतपणीच दरीत फेकलं? शेतकरी खंडणी प्रकरणात खळबळजनक खुलासा

जालना जिल्ह्याच्या सिल्लोड तालुक्यातील बोदवड येथील शेतकरी तुकाराम माधवराव गव्हाणे पाटील यांच्या अपहरणाचं गूढ उकललं आहे. त्यांची अत्यंत निर्घृणपणे हत्या करण्यात आल्याचं समोर आलं आहे. आरोपींनी गव्हाणे यांचं अपहरण करून त्यांना बेदम मारहाण केली आणि त्यानंतर कन्नड येथील औट्रम घाटातील दीडशे फूट खोल दरीत फेकून दिले. या घटनेमुळे संपूर्ण सिल्लोड आणि कन्नड तालुक्यात खळबळ उडाली आहे. पण ज्यावेळी आरोपींनी गव्हाणे यांना दरीत फेकलं, तेव्हा ते जिवंत असावेत, अशी माहिती आता समोर आली आहे.