डाव्यांच्या व्यासपीठावर तुम्ही कसे आले? डाव्यांच्या शेजारी बसूनच उद्धव ठाकरेंचं सखोल उत्तर, संघर्षाच्या इतिहासाला उजाळा

कडव्या डाव्या संघटनांविरोधात राज्य सरकारने संमत केलेल्या जनसुरक्षा कायद्याच्या निषेधासाठी मुंबईतील यशवंतराव चव्हाण सेंटरमध्ये डाव्या पक्षांसह महाविकास आघाडीच्या प्रमुख नेत्यांनी हजेरी लावली. मूळ राष्ट्रवादीचे अध्यक्ष शरद पवार, काँग्रेस अध्यक्ष हर्षवर्धन सपकाळ, शिवसेनेचे प्रमुख उद्धव ठाकरे, उल्का महाजन, डावे नेते अजित अभ्यंकर आदी नेते उपस्थित होते. यावेळी केलेल्या भाषणात उद्धव ठाकरे यांनी डावे पक्ष आणि शिवसेनेच्या संघर्षाच्या आठवणींना उजाळा दिला. मागे वळून पाहताना उगीच भांडलो असे वाटते, अशी खंतही त्यांनी व्यक्त केली.