Ganesh Chaturthi 2025: याला म्हणतात परंपरा आणि व्यवसायाची सांगड, पुण्यात इथं बनतात लाखो मोदक

भारती मेढी यांनी काही वर्षांपूर्वी घरगुती स्तरावर मोदक बनवण्यास सुरुवात केली होती. सुरुवातीला शेजारी, नातेवाईक आणि ओळखीच्या मंडळींकडून मिळालेला प्रतिसाद पाहता त्यांनी हळूहळू या व्यवसायाचा विस्तार केला. आज कोथरूडमध्ये त्यांनी सुरू केलेल्या या फॅक्टरीत रोज हजारो कामगार कार्यरत असून दिवसाला लाखो मोदक तयार होतात. कुटुंबातील सदस्यांचा मदतीने त्यांनी हा व्ययसाय उभा केला. दरवर्षी लाखो मोदक बनणाऱ्या त्यांच्या फॅक्टरीमध्ये त्यांनी यंदा 5 लाख मोदक बनवण्याचं टार्गेट ठेवलं आहे.

भारती मेढी यांचा हा प्रयत्न केवळ व्यावसायिक उपक्रम न ठरता गणेशभक्तीचा एक भाग बनला आहे. आज कोथरूडमधील ही मोदक फॅक्टरी पुण्यातील गणेशोत्सवाच्या तयारीत महत्त्वाचा घटक बनली असून परंपरा, चव आणि उद्योजकतेचे उत्तम उदाहरण ठरत आहे.