Navratri Special : 'या' रुपांमध्ये देवी 'अंबाबाई'चं भाविकांना होणार दर्शन; प्रत्येक दिवशी नवा 'साज' आणि विशेष पूजा, जाणून घ्या सविस्तर

अंबाबाई मंदिराला आकर्षक विद्युत रोषणाई करण्यात आली असून, मार्गांवर स्वागत कमानी उभारल्या आहेत. यामुळे मंदिर परिसर अधिक चैतन्यमय दिसत आहे. नवरात्रौत्सवादरम्यान अंबाबाई मंदिरातील सुरू असलेल्या कामांमुळे भाविकांना कोणताही त्रास होऊ नये यासाठी विशेष व्यवस्था करण्यात आली आहे. गरुड मंडपाच्या उभारणीचे काम तात्पुरते थांबवून मुखदर्शनासाठी दोन ठिकाणी सोय करण्यात आली आहे, तसेच अभिषेक सोहळाही याच ठिकाणी होणार आहे.

मुखदर्शनाचे नियोजन : सध्या गरुड मंडपाचे बांधकाम सुरू असले तरी, नवरात्रीसाठी ते तात्पुरते थांबवले आहे.

गरुड मंडपात होणार अभिषेक : मंदिरातील विकासकामांचे साहित्य गरुड मंडपातून हटवण्यात आले आहे. त्यामुळे, नवरात्रीत होणारे देवीचे अभिषेक गरुड मंडपातच केले जातील. पालखी सोहळ्यावेळी देवी सदरेवर विराजमान होईल, जेणेकरून भाविकांना सुलभ दर्शन घेता येईल