बीडमध्ये गुंडाराज! किरकोळ कारणावरून तरुणाला काळंनिळं होईपर्यंत मारलं, चौघांविरुद्ध गुन्हा दाखल

बीड जिल्ह्यातील शिरूर कासार तालुक्यातील खलापुरी गावात शुल्लक कारणावरून एका तरुणावर चार जणांनी अमानुष हल्ला केल्याची धक्कादायक घटना उघडकीस आली आहे. लोखंडी रॉड, काठ्या आणि चाकूचा वापर करून तरुणाला जीवे मारण्याचा प्रयत्न करण्यात आल्याचा प्रकार समोर आला आहे. या संपूर्ण घटनेचा सीसीटीव्ही व्हिडिओही आता सोशल मीडियावर व्हायरल झाला आहे. या प्रकरणी शिरूर कासार पोलीस ठाण्यात चार आरोपींविरुद्ध गुन्हा दाखल करण्यात आला आहे.