यावर्षी उडदाचे पीक तोट्यातच, खर्चही निघाला नाही, धाराशिवमधील सध्याचे दर काय, VIDEO

उडीद शेती क्षेत्रातले एक महत्त्वाचे पीक आहे. शेतकऱ्यांना आर्थिक ताकद देणारे हे पीक आहे. खरिपातील पीक हे शेतकऱ्यांची नगदी पिके म्हणून ओळखली जातात आणि त्यातील प्रमुख नगदी पीक म्हणून उडीद या पिकाला देखील ओळखले जाते. मात्र, यावर्षी उडीद पिकाचा तोटा शेतकऱ्याला सहन करावा लागत आहे.

यावर्षीच्या खरीप हंगामात सुरुवातीच्या काळात चांगला पाऊस झाला. त्यानंतर ऑगस्ट महिन्यात पावसाने उघडीप दिली. तर उडीद काढण्याच्या वेळी अतिवृष्टी झाली आणि फुलोराच्या अवस्थेत उडीद असताना पावसाने उघडीप दिली. यामुळे उडदाच्या उत्पादनात मोठी घट निर्माण झाली आहे. त्यामुळे एकरी दोन क्विंटलपर्यंतचा उतार उडीदाच्या पिकाला येत आहे. सध्या बाजारपेठेत उडिदाला 6000 पासून ते 8000 पर्यंत प्रतिक्विंटल दर मिळत आहे.