आनंदाची बातमी!, लग्नसराईची वेळ अन् सोनं झालं स्वस्त, कोल्हापुरातील सराफ व्यावसायिकांनी सांगितलं कारण

सोन्या-चांदीच्या दरांतील घसरणीमुळे बाजारात ग्राहक खरेदीसाठी गर्दी करत आहेत. लग्न सराईसाठी ग्राहकांना ही फायद्याची संधी आहे. सध्या कोल्हापुरात सोन्याचा भाव 76150 पर्यंत गाठला आहे. त्यामुळे सोने खरेदी करण्याची हीच योग्य वेळ असल्याचे यावेळी सराफ व्यावसायिकांनी सांगितले.

आता लग्नसराईचा सिझन चालू आहे. लग्न म्हटल्यावर अनेक लोक सोने आणि चांदीचे दागिने घेतात. सोने-चांदीची आभूषणे तयार करून लग्नसोहळा आणखी शानदार करण्यासाठी प्रयत्न केले जातात. मात्र, काही दिवसांपूर्वी या मौल्यवान धातूंमध्ये सातत्याने वाढ होत होती. पण आता जागतिक पातळीवर बदललेल्या परिस्थितीमुळे भारतात सोने आणि चांदीचा दर घसरला आहे. हीच घसरण कायम राहिल्यास सोने-चांदी खरेदीदारांना दिलासा मिळेल. सोन्यात गुंतवणूक करण्यासाठीही हीच नामी संधी असू शकते, असेही त्यांनी सांगितले.