मुंबई: काही महिन्यांपासून सातत्याने उच्चांक गाठणाऱ्या सोने आणि चांदीच्या किमतीत बुधवारी मोठी घसरण झाली. लक्ष्मीपूजनापर्यंत सोन्याच्या भावात मोठी तेजी पाहायला मिळत होती. मात्र, त्यानंतर आंतरराष्ट्रीय बाजारात सोने-चांदीचे दर कोसळले आणि त्याचा परिणाम भारतीय बाजारातही दिसून आला. या घसरणीमुळे आता पुन्हा एकदा सोने खरेदीसाठी सराफ बाजारात नागरिकांची मोठी गर्दी उसळण्याची शक्यता आहे. पाडव्यासाठी पत्नीला सोने घेता न आलेल्यांसाठी भाऊबीज आणि पाडव्याचे एकत्र गिफ्ट घेण्याची ही चांगली संधी आहे.