Husband Wife : माझ्यावर आई-बाबांची जबाबदारी, मग 45,000 कमावणाऱ्या डॉक्टर बायकोला पोटगी का देऊ? कोर्टाचा निर्णय ठरला चर्चेचा विषय

ट्रायल कोर्टाचा निर्णय न पटल्यानं बायको हायकोर्टात गेली. तिने सांगितले की, जरी तिने होमिओपॅथिक प्रॅक्टिसला सुरुवात केली असली तरी देखील प्रत्यक्षात ती सध्या बेरोजगार आहे आणि MD (होमिओपॅथिक) च्या शिक्षणासाठी डिसेंबर २०२३ पासून महाविद्यालयात शिक्षण घेत आहे. कोविड-१९ काळात तिने तात्पुरते काही सेवा दिल्या होत्या, परंतु त्या संपला आहेत, आता तिला सध्या पुरेसा पगार मिळत नाही.

हायकोर्टाने पाहिले की पत्नीला तिचे शिक्षण पूर्ण करण्यासाठी मदत देणे आवश्यक आहे. पतीच्या आर्थिक क्षमतेचा विचार करून, कोर्टाने दरमहा 15,000 रुपये पोटगी देण्याचे आदेश दिले. हा आदेश अर्जाच्या तारखेपासून लागू होईल आणि पूर्वी मिळालेली काही अंतरिम पोटगी समायोजित केली जाईल. ही घटना मध्य प्रदेशातील रतलाममधील आहे.