आयुष्य बदलू शकतो 80-20 चा फॉर्म्युला; गुंतवणूक असो किंवा व्यवसाय होणार नाही नुकसान

इटालियन अर्थशास्त्रज्ञ विल्फ्रेडो पॅरेटो याचं नाव या फॉर्म्युलाला देण्यात आलंय. पॅरेटो यांनी 19व्या शतकात शोध लावला होता, की इटलीतली 80 टक्के जमीन केवळ 20 टक्के नागरिकांच्या ताब्यात आहे. नंतर त्यांनी हा फॉर्म्युला इतर गोष्टींवर लागू केला. त्या वेळी त्याचा निकाल हा आश्चर्यकारक आला. त्यानंतर आर्थिक गुंतवणूक असो, निर्णय असो किंवा व्यवसाय असो, पॅरेटो यांनी हा फॉर्म्युला सर्वत्र यशाचा मूलमंत्र बनवला.

पॅरेटो यांच्या फॉर्म्युलानुसार, कर्ज तुमच्या आर्थिक यशात मोठा अडथळा ठरतं. अशा परिस्थितीत सर्वांत जास्त व्याज आकारणारी 20 टक्के कर्जं ओळखा. यामध्ये क्रेडिट कार्ड आणि पर्सनल लोन यांचा समावेश असतो. अशा परिस्थितीत, ज्या कर्जावर जास्त व्याज आकारणी केली जात आहे, अशा कर्जाची सर्वप्रथम परतफेड करा. तुमच्यासाठी ते फायदेशीर ठरेल आणि कर्जातून लवकर सुटका होईल.