Fake Paneer : तुम्ही खाताय ते खरंच पनीर आहे का? सणासुदीच्या काळात फसवणूक वाढली, आरोग्यासाठी किती धोकादायक?

मुंबई : आपल्या दैनंदिन आहारात पनीरला विशेष महत्त्व आहे. विशेषत हा सणासुदीच्या दिवसांत पनीरच्या भाज्या, विविध प्रकारचे स्नॅक्स आणि मिठाया बनवल्या जातात. पण हे पनीर खरेच शुद्ध आहे का, याबाबत आता शंका उपस्थित झाली आहे. कारण गणेशोत्सव आणि इतर सणासुदीच्या काळात वाढणारी मागणी लक्षात घेऊन काही नफेखोरांनी पनीरच्या नावाखाली बनावट पदार्थ म्हणजेच 'चीझ अ‍ॅनालॉग' विक्रीला आणले आहेत. अलीकडेच मुंबई पोलिसांच्या गुन्हे शाखेने केलेल्या कारवाईतून ही धक्कादायक बाब उघड झाली.