Kalyan Accident : सगळ्यांना वाचवलं, पण स्वतःला नाही वाचवू शकले; कल्याणमधील डॉक्टरचा दुर्दैवी अंत

कल्याणमधील शहाड उड्डाण पुलावर झालेल्या भीषण अपघातात एका डॉक्टरांचा जागीच मृत्यू झालेला आहे. भरधाव वेगात येणार्‍या टेम्पोने दुचाकीला जोरदार धडक दिली त्यामुळे हा अपघात घडलेला आहे. घडलेल्या या अपघातात मृत्यू झालेल्या डॉक्टरांचे नाव डॉ.सोमनाथ पाटील असून ते कल्याणधील खडकपाडा परिसरात राहतात.

मिळालेल्या माहितीनुसार, बुधवारी रात्री उशिरा डॉक्टर पाटील हे दुचाकीवरुन शहाड उड्डाणपुलावरुन प्रवास करत होते. दरम्यान टेम्पोने त्यांच्या दुचाकीला जोराची धडक दिली. ही धडक इतका भीषण होती की पाटील हे रस्त्याच्या कडेला फेकले गेले आणि दुचाकीचा पूर्णपणे चुराडा झालेला आहे.

घटनास्थळी असलेल्या अन्य वाहन चालकांनी आणि पादचाऱ्यांनी तात्काळ मदत करत पाटील यांनी रुग्णालयात दाखल केले. मात्र रुग्णालयात पोहचेपर्यंत डॉक्टरांनी त्यांना मृत घोषित केले. गंभीर गोष्ट म्हणजे अपघातानंतर टेम्पो चालकाने पळून जाण्याचा प्रयत्न करत होता पण काही नागरिकांनी त्याला पकडून ठेवले आणि पोलिसांनी घडलेल्या अपघाताची बातमी कळवण्यात आली.