Mumbai : माहिम रेल्वे स्थानक हादरलं,पटरीजवळ घडला काळजाचा थरकाप उडवणारा प्रकार; परिसरात घबराट

काही दिवसांपूर्वी त्याचा इरफान नावाच्या तरुणासोबत किरकोळ कारणावरून वाद झाला होता. त्यावेळी इरफानने त्याला मारहाण केल्याने व्यंकटेशने शाहूनगर पोलीस ठाणे येथे तक्रार दाखल केली होती.

सोमवारी रात्री व्यंकटेश आणि त्याचा मित्र मल्लेश रेल्वे पटरीजवळ उभे असताना अभिषेक जाधव, बॉबी वाघ, कंट्या आणि चना या चौघांनी त्यांच्याशी जुन्या वादावरून भांडण सुरू केले. वाद वाढल्यावर मल्लेशच्या पोटात चाकूने वार करण्यात आला तर व्यंकटेशला लाथाबुक्क्यांनी मारहाण करण्यात आली.

दोघांनाही तातडीने सायन रुग्णालयात दाखल करण्यात आले. मल्लेशची प्रकृती गंभीर असून त्याच्यावर  उपचार सुरू आहेत. वडाळा रेल्वे पोलीस यांनी चारही आरोपींविरुद्ध गुन्हा दाखल केला असून पुढील तपास सुरू आहे.