Mumbai Metro: मुंबईकरांसाठी खुशखबर! गणेशोत्सवात मेट्रो मध्यरात्रीपर्यंत सुरू राहणार; जाणून घ्या वेळापत्रक

यंदा गणेश चतुर्थी २७ ऑगस्टला आहे. ही मेट्रोची विशेष सेवा २७ ऑगस्ट ते ६ सप्टेंबर २०२५ पर्यंत अशी ११ दिवसांसाठी असणार आहे. गणेशभक्तांना ही मेट्रो सेवा मेट्रो लाईन २ ए (अंधेरी पश्चिम ते दहिसर) आणि मेट्रो लाईन ७ (गुंदवली ते दहिसर) या परिसरामध्ये उपलब्ध असणार आहे. मेट्रो लाईन २ ए आणि मेट्रो लाईन ७ च्या मार्गिकेवरील मेट्रो सेवा सामान्य काळात रात्री ११ वाजेपर्यंत सुरु असते. ती आता गणेशोत्सव काळात मध्यरात्री १२ वाजेपर्यंत सुरु राहणार आहे. गणेशोत्सव काळात वाहतूक कोंडी आणि गर्दी टाळण्यासाठी मेट्रो सर्वात सुरक्षित, जलद प्रवासाचा पर्याय ठरणार आहे. मुंबई मेट्रोच्या या निर्णयामुळे मुंबईतील भाविकांना गणरायाच्या दर्शनासाठी प्रवास अधिक सोयीस्कर होणार आहे.

मुंबई मेट्रोने दिलेल्या माहितीनुसार, मुंबई मेट्रोच्या सामान्य काळात तीनशे हून अधिक फेऱ्या होत होत्या, आता गणेशोत्सव काळात त्याहून अधिक होणार आहेत.

• शनिवार: २५६ फेऱ्या (आधीपेक्षा १२ फेऱ्या जास्त)

• रविवार: २२९ फेऱ्या (आधीपेक्षा १२ फेऱ्या जास्त, आवश्यकतेनुसार अतिरिक्त फेऱ्या शक्य)

• शनिवार: गर्दीच्या वेळी : दर ८.०६ मिनिटांनी एक गाडी | इतर वेळी: दर १०.२५ मिनिटांनी

• रविवार : दर १० मिनिटांनी एक गाडी (अतिरिक्त सेवा शक्य)