Indian Railway : प्रवाशांनो लक्ष द्या! रेल्वे स्थानकांवरील तपासणी प्रक्रिया होणार कडक; जाणून घ्या कोणते नवे नियम लागू

मुंबई : मुंबईतील विविध रेल्वे स्थानकांवर प्रवाशांच्या सामानांच्या तपासणीच्या नावाखाली रेल्वे पोलिसांकडून प्रवाशांकडून उघडपणे पैसे उकळल्याच्या अनेक तक्रारी समोर आल्या आहेत. या पार्श्वभूमीवर आता या प्रकरणाला आळा घालण्यासाठी नवे मार्गदर्शक तत्त्वे जाहीर करण्यात आले आहेत. यासंदर्भात राजकीय रेल्वे पोलिस आयुक्त राकेश कलासागर यांनी अधिकाऱ्यांसोबत विशेष बैठक घेतली. बैठकीत प्रवाशांच्या सामान तपासणीची प्रक्रिया पारदर्शक, सुरक्षित आणि नियमबद्ध राहावी, तसेच पोलिसांवर होणारा अविश्वास दूर व्हावा यासाठी काही महत्त्वपूर्ण निर्णय घेण्यात आले. या नव्या निर्णयांनुसार सर्व स्थानकांवरील तपासणी प्रक्रियेवर अधिक कडक नियम लागू होणार आहेत.