घरात झोपली होती तरुणी, बापाने झोपेतच घोटला गळा मग..., महाराष्ट्राला हादरवणारी घटना!

रवी जैस्वाल, प्रतिनिधी जालना : जालना जिल्ह्याच्या बदनापूर तालुक्यात एक धक्कादायक घटना उघडकीस आली आहे. इथं एका व्यक्तीने आपल्या पोटच्या मुलीला अत्यंत क्रूरपणे संपवलं आहे. आरोपीनं झोपलेल्या जागीच मुलीचा गळा घोटला आहे. धक्कादायक बाब म्हणजे आरोपीनं आपल्या मुलीनं आत्महत्या केली, असा बनाव रचला होता. मात्र त्याचा हा बनाव फार काळ टिकू शकला नाही. पोलिसांनी त्याचं बिंग फोडलं आहे. प्रेम प्रकरणातून आरोपीनं ही हत्या केल्याची प्राथमिक माहिती समोर आली आहे. या प्रकरणी बदनापूर पोलिसांनी हत्येसह विविध कलमांतर्गत वडिलांवर गुन्हा दाखल केला आहे. पोलीस घटनेचा पुढील तपास करत आहेत.