Konkan Railway: कोकण रेल्वेने प्रवास करताय? आधी बदललेलं वेळापत्रक पाहा, या गाड्या रद्द!

मुंबई: कोकण रेल्वेच्या प्रवाशांसाठी महत्त्वाची बातमी आहे. कोकण रेल्वे मार्गावर मुल्की स्थानकाजवळ तांत्रिक आणि पायाभूत सुविधांच्या दुरुस्तीसाठी शुक्रवारी, दि. 28 फेब्रुवारी रोजी सकाळी 7 ते 10 या वेळेत तीन तासांचा ब्लॉक घेण्यात येणार आहे. त्यामुळे काही रेल्वेगाड्यांच्या वेळापत्रकावर परिणाम होणार आहे. तसेच छत्रपती शिवाजी महाराज टर्मिनस येथील पायाभुत विकास कामांमुळे जनशताब्दी आणि तेजस एक्सप्रेस या गाड्या 28 फेब्रुवारीपर्यंत सीएसएमटी ऐवजी दादर पर्यंतच धावणार आहेत.