Marathi vs Gujarathi : घाटकोपरमध्ये पुन्हा मराठी-गुजराती राडा; केवळ शौचालय वापरल्याच्या कारणावरून मराठी व्यावसायिकाला चोपले

मिळालेल्या माहितीनुसार, घाटकोपर पूर्व येथील रेल्वे स्थानकाच्या बाजूलाच एक सोसायटी आहे. तिथं महापालिकेच्या बाजार विभागाचे प्रकल्प धारकांचे कार्यालय आहे तर दुसऱ्या मजल्यावर अक्षय भांगरे यांचे प्रतीक्षा एजन्सीचे कार्यालय देखील आहे. साधारण दीड वर्षांपासून ते भाड्याने घेतलेल्या कार्यालयात व्यवसाय करतात. मात्र त्यांच्या कार्यालया जवळ असलेले गुजराती व्यावसायिक झिन गडा आणि निखिल डोमाडीय त्यांना त्रास देत आहेत. धक्कादायक म्हणजे ते एवढ्यावरच न थांबता त्यांनी अक्षय यांनी सार्वजनिक शौचालय वापरले म्हणून त्यांना मारहाण करण्यात आली.

मनसेच्या वतीने त्या मुजोर गुजराती व्यावसायिकांना जाब विचारण्यासाठी गेलो होतो,मात्र त्यांनी पळ काढला. त्यांच्या दुकानावर एक संदेश लिहून आलो आहोत. पण यातूनही ते सुधारले नाहीत तर तीव्र आंदोलन करु.शिवाय महापालिकेच्या ज्या अधिकाऱ्यांनी कार्यालय रिकामे करण्याची नोटीस दिली आहे,त्यांच्यावरही कठोर कारवाई करावी,असे मनसेचे अभिषेक सावंत यांनी सांगितले आहे.