विमान हजारो फूट उंचावर झेपावताच प्रवासी बेशुद्ध; MBBS चा विद्यार्थी मदतीसाठी पुढे आला अन्... मुंबई-गोवा फ्लाईटमधील तो थरार

(राहुल पाटील, प्रतिनीधी) मुंबई : हजारो फूट उंचावर हवेत झेपावलेल्या विमानात जेव्हा एका प्रवाशाचा श्वास अडकला आणि मृत्यू समोर दिसू लागला, तेव्हा डहाणूच्या एका वैद्यकीय विद्यार्थ्याने दाखवलेले प्रसंगावधान त्या प्रवाशासाठी 'संजीवन' ठरले. डहाणू येथील वेदांता मेडिकल कॉलेजमध्ये एमबीबीएसच्या शेवटच्या वर्षात शिकणाऱ्या आर्यन लोलीयेकर याने एका सहप्रवाशाचा जीव वाचवून सर्व स्तरांतून कौतुक मिळवले आहे.