MHADA Lottery: बाप्पा पावणार! घराचं स्वप्न साकार होणार, ठाणे ते ओरोस म्हाडाच्या 5285 घरांसाठी सोडत

कोकण मंडळातर्फे जाहीर केलेली सोडत पाच घटकांत विभागलेली आहे. यामध्ये 20 टक्के सर्वसमावेशक योजनेअंतर्गत एकूण 565, 15 टक्के एकात्मिक शहर गृहनिर्माण योजनेअंतर्गत 3002, म्हाडा कोकण मंडळ गृहनिर्माण योजना आणि विखुरलेल्या सदनिका आहे त्या स्थितीत या योजेअंतर्गत 1677 आणि 50 टक्के परवडणाऱ्या योजनेअंतर्गत 41 घरे विक्रीसाठी उपलब्ध आहेत. इच्छुकांना म्हाडाच्या https:// housing.mhada.gov.in या अधिकृत संकेतस्थळावर अर्ज नोंदणी करता येईल.

घरांच्या सोडतीसाठी अर्ज नोंदणीचा शुभारंभ सोमवारी दुपारी 1 वाजता होईल. इच्छुक 13 ऑगस्ट रोजी 11.59 वाजेपर्यंत ऑनलाईन अर्ज तर 14 ऑगस्टला रात्री 11.59 वाजेपर्यंत अनामत रक्कम भरू शकतील. सोडतीसाठी स्वीकृत अर्जांची प्रारुप यादी 21 ऑगस्ट तयार केली जाईल, तर स्वीकृत अर्जाची अंतिम यादी 1 सप्टेंबरला सायंकाळी 6 वाजता ‘म्हाडा’च्या अधिकृत संकेतस्थळावर प्रसिद्ध केली जाईल. 3 सप्टेंबरला सकाळी 10 वाजता पात्र अर्जांची संगणकीय सोडत होईल, अशी माहिती देण्यात आली आहे.