Mumbai News: मुंबई आता नाही तुंबई, पाण्याखाली जाणाऱ्या सबवे वर उड्डाणपूल उभारणार; कसा- कुठे?

प्रत्येक पावसाळ्यामध्ये पाण्याखाली जाणाऱ्या अंधेरी सबवेववर एक नवा उड्डाणपूल उभारला जाणार आहे. दरवर्षी पावसाळ्यामध्ये कंबरेपर्यंत पाण्यातून नागरिकांना, दुचाकीस्वारांना आणि ट्रॅफिक हवलदारांना रस्ता काढत पुढे जावं लागतं. दरवर्षीची ही डोकेदुखी आता लवकरच कायमची मिटणार आहे. मुंबई महानगर पालिकेने अलीकडेच अंधेरी सबवेवर पूल उभारण्याचा निर्णय घेतला आहे. या निर्णयामुळे पावसाळ्याच्या दिवसांमध्ये तिथून प्रवास करणाऱ्या प्रत्येकाचा सुरळित प्रवास होणार आहे.