Malad-Andheri Bridge : अर्ध्या तासाचा प्रवास 6 मिनिटांत होणार! अंधेरीतील वाहतूक कोंडी फुटणार; बीएसमसीचा मेगा प्लॅन तयार

अंधेरी आणि मालाड ही दोन्ही मुंबईतील अत्यंत महत्त्वाची ठिकाणे आहेत. ही दोन्ही उपनगरे व्यावसायिक आणि व्यापारी कामांसाठीची मोठी केंद्रे आहेत. अंधेरीमध्ये अनेक मोठी कार्यालये, औद्योगिक भाग आणि व्यावसायिक इमारती आहेत. तर, मालाड हे आयटी कंपन्यांचे मोठे केंद्र बनले आहे. याशिवाय मालाडमध्ये अनेक चित्रपट आणि जाहिरातींचे स्टुडिओ देखील आहेत. त्यामुळे रोज लाखो लोक कामासाठी या दोन्ही भागांमध्ये ये-जा करत असतात.

पोयसर नदीवर नवा पूल बांधल्यामुळे ही समस्या कायमची सुटणार आहे. हा पूल तयार झाल्यावर मालाड आणि अंधेरीमध्ये थेट संपर्क साधला जाईल. ज्यामुळे 6 मिनिटांत हे अंतर पार करणे शक्य होईल. यामुळे लोकांचा अमूल्य वेळ वाचेल आणि रस्त्यावरील वाहतूक कोंडी कमी होईल.