Panvel Shocking Theft : तब्बल 22 तोळे सोने चोरीला, पोलिसांनी तपासाची चक्रे फिरवली अन् शेजारणीला 'ती' चूक भोवली!

मिळालेल्या माहितीनुसार,पनवेलच्या कामोठे सेक्टर 35मध्ये एका सोसायटीतील एका घरात चोरी झाली होती. त्या चोरीत तब्बल 22 तोळे सोन्याचे दागिने लंपास झाले होते. या चोरी चोरीमुळे परिसरात मोठी खळबळ उडाली होती. मात्र, पोलिसांनी केलेल्या तपासात अखेर या चोरीमागे ज्या घरात चोरी झाली त्या कुटुंबाच्या जवळची आणि रोजच्या भेटीगाठी असलेली शेजारीणच असल्याचे उघड झाले आहे.

27 सप्टेंबर रोजी कामोठे पोलीस ठाण्यात चोरीचा गुन्हा दाखल झाला होता. सुरुवातीला महिनाभर तपासात कोणतीही माहिती पोलिसांना मिळाली शिवाय कोणावरही संशय आला नव्हता.मात्र, काही दिवसांनतर या तपासातील अधिकारी बदलले आणि गुन्ह्याच्या तपासाने वेग घेतला. वरिष्ठ पोलीस निरीक्षक विमल बिडवे यांच्या मार्गदर्शनाखालील पोलीस पथकाने अत्यंत बारकाईने तपास सुरू केला.