Mumbai Metro : मुहूर्त ठरला! मुंबई मेट्रो 9 अन् 2 ब 'या' दिवशी धावणार; वाहतूक कोंडीतून होणार सुटका

मेट्रो 9 ही दहिसर ते गुंदवली या मेट्रो 7 मार्गिकेचा उत्तर टोकाकडील विस्तार आहे. या मार्गिकेच्या दहिसर ते काशिगाव या पहिल्या टप्प्याचे काम गेल्या वर्षी पूर्ण झाले होते. मात्र सीएमआरएसचे प्रमाणपत्र न मिळाल्यामुळे उद्घाटन लांबले होते. आता हे प्रमाणपत्र मिळाल्यानंतर मार्ग मोकळा झाला आहे त्यामुळे 17 ते 19 फेब्रुवारी दरम्यान पंतप्रधान नरेंद्र मोदी यांच्या हस्ते हा कार्यक्रम पार पडू शकतो, अशी माहिती समोर येत आहे.

याशिवाय वांद्रे ते कुर्ला रेल्वे स्थानकादरम्यान पॉडटॅक्सी प्रकल्पाचेही भूमिपूजन होण्याची शक्यता आहे. बीकेसी परिसरात दररोज ये-जा करणाऱ्या प्रवाशांना यामुळे मोठा दिलासा मिळेल.