शून्यातून विश्व! खाद्य व्यवसायात तुषार जाधवची गगनभरारी; वर्षाला कमावतोय हजारोंचा नफा

अंबरनाथमधील युवा उद्योजक तुषार जाधव यांनी आपल्या जिद्द आणि अथक परिश्रमाच्या जोरावर खाद्य व्यवसायात यश मिळवत स्वतःचं वेगळं स्थान निर्माण केलं आहे. नोकरीच्या मर्यादेत न राहता त्यांनी स्वतःचा व्यवसाय उभा करून स्वप्नांची उंच भरारी घेतली आहे. एमबीए (फायनान्स) पर्यंत शिक्षण घेतल्यानंतर तुषार यांनी दोन वर्षे टॅक्स कन्सल्टंट म्हणून आणि त्यानंतर दीड वर्ष मुंबईमध्ये स्टॉक एक्स्चेंजमध्ये नोकरी केली. नोकरी करून केवळ घर चालवता येईल पण आपली स्वप्न पूर्ण करता येणार नाहीत असं तुषार यांना सतत वाटत होतं.