अखेर सुनेत्रा पवारांनी निर्णय घेतलाच! 'त्या' 'सुत्रधाराला' दाखवला बाहेरचा रस्ता, राष्ट्रवादीच्या गोटातला मोठा निर्णय

दरम्यान,   सुनेत्रा पवार जेव्हा उपमुख्यमंत्रिपदाची शपथ घेण्यासाठी मुंबईत आल्या होत्या. त्यावेळी राष्ट्रवादीची बैठक पार पडली होती. या बैठकीत नरेश अरोरा यांनी काही कल्पना सुचवल्या होत्या, त्यामुळे राष्ट्रवादीच्या वरिष्ठ नेत्यांनी तीव्र नाराजी व्यक्त केली होती. त्यानंतर अरोरा यांना बैठकीतून बाहेर जावं लागलं. पुढे ते सुनेत्रा पवारांच्या शपथविधीला गैरहजर होते.

नरेश अरोरा यांची डिझाईन बॉक्स ही कंपनी लोकसभा निवडणुकीपासून राष्ट्रवादीसाठी काम करत आहे. अजित पवारांच्या सभांचे नियोजन करणे, अजित पवारांची प्रतिमा जनमानसात कशी जावी यासाठी धोरण ही कंपनी आखण्याचे काम केलं होतं. अजित पवारांच्या निवडणूक प्रक्रियेत या कंपनीचा मोठा वाटा आहे. पुणे पालिका निवडणुकीच्या काळात अरोरा यांच्या कार्यालयावर पुणे क्राईम ब्रान्चने धडक दिली होती. त्यानंतर अजित पवारांनी या प्रक्रियेत कोणतीही आक्षेपार्ह बाब किंवा कोणतीही अनियमितता आढळून आलेली नाही, असं स्पष्ट केलं होतं. तसंच नरेश अरोरा आणि त्यांची संस्था 'डिझाइनबॉक्स्ड' यांच्या पाठीशी राष्ट्रवादी ठामपणे उभी होती. पण, नंतर नरेश अरोरा आणि राष्ट्रवादीच्या नेत्यामध्ये वाद पेटला आणि आज त्याचा शेवट झाला.