तेलगी स्टॅम्प घोटाळा 2.0, सेम पद्धत अन् कोट्यवधीचा व्यवहार; 14 पाठलाग करून मुंबई पोलिसांनी टोळी पकडली

पोलिसांनी या टोळीला पकडण्यासाठी दिल्ली आणि बिहारमध्ये धडक कारवाई केली. या टोळीकडून लाखो रुपयांचे बनावट पोस्टल स्टॅम्प जप्त केले आहे. १२ सप्टेंबर २०२५ रोजी मुंबईच्या जी.पी.ओ.चे डाक निरीक्षक आशुतोष जमादारसिंह कुमार यांनी या प्रकरणी तक्रार दिली होती. त्यानंतर पोलिसांनी तपास सुरू केला तेव्हा हा सगळा प्रकार समोर आला. ही टोळी देशभरात बनावट स्टॅम्पची छपाई करून विकत होते. पोलिसांनी दिल्लीत तब्बल १४ दिवस पाळत ठेवून आरोपींना अटक केली. हे आरोपी सारखे मोबाईल क्रमांक आणि पत्ता बदलून पळत होते. पण, पोलिसांनी अखेरीस १४ दिवसांचा पाठलाग करून या टोळीच्या मुसक्या आवळल्या.

पोलिसांनी या टोळीच्या मुसक्या आवळल्या तेव्हा चौकशीमध्ये आरोपींच्या बॅँक खात्यात तब्बल ७ ते ८ कोटींची संशयास्पद उलाढाल झाल्याचं समोर आलं आहे. या प्रकरणी मोठ्या रक्कमेची घेवाणदेवाण झााली असावी असा पोलिसांना संशय आहे. या प्रकरणामध्ये आणखी काही जण असणार आहे, असा पोलिसांना अंदाज आहे. या प्रकरणाचा पोलीस अधिक तपास करत आहे.