प्रवाशांसाठी महत्त्वाची बातमी, वडाळ्यात 2 महिने वाहतूक बदल, या पर्यायी मार्गाचा करा वापर

काम सुरू असताना अपघात टाळण्यासाठी आणि काम सुरळीत पार पाडण्यासाठी प्रशासनाकडून विशेष खबरदारी घेण्यात येत आहे. वाहतूक पोलिसांनी संबंधित परिसरात नियोजन करून सुरक्षा उपाययोजना आखल्या आहेत. कामाच्या ठिकाणी बॅरिकेडिंग, मार्गदर्शक फलक तसेच आवश्यक ते इशारे देण्यात येणार आहेत.

दरम्यान, नागरिकांची गैरसोय कमी करण्यासाठी पर्यायी मार्गांची व्यवस्था करण्यात आली आहे. आरटीओ चौक ते वडाळा मोनोरेल स्थानक हा प्रवास दक्षिण वाहिनीतून दुतर्फा सुरू ठेवण्यात येणार आहे. तसेच वडाळा डेपो मोनोरेल स्थानकाजवळील मोकळ्या जागेतून वाहनांना पुन्हा मूळ उत्तर वाहिनीत प्रवेश करता येणार आहे. या बदलांमुळे वाहतूक सुरळीत ठेवण्याचा प्रयत्न प्रशासनाकडून केला जात आहे.