Mumbai : 'ती' भयाण सकाळ! चिमुकली दुकानातून घरी आली अन् आईने पळत पोलिस स्टेशन गाठलं; वडाळ्यातील धक्कादायक प्रकार

मिळालेल्या माहितीनुसार, 30 जानेवारी रोजी सकाळी 7 वाजेच्या सुमारास ही घटना घडली. पीडित चिमुकली जवळच असलेल्या एका दुकानात बिस्किटं आणण्यासाठी गेली होती. तिथे उपस्थित असलेल्या नराधम तरुणाने मुलीला चॉकलेटचे आमिष दाखवले. त्याने आधी मुलीला तिची चप्पल दुकानाबाहेर काढायला लावून तिला आत बोलावले. त्यानंतर कोणीही आसपास नसल्याची संधी साधून त्याने या चिमुकलीशी अत्यंत अश्लील आणि लैंगिक चाळे केले.

मुलगी घरी परतल्यानंतर हा सर्व प्रकार उघडकीस आला. या धक्कादायक घटनेनंतर पीडित मुलीच्या 28 वर्षीय आईने तातडीने वडाळा पोलीस ठाण्यात धाव घेतली आणि तक्रार नोंदवली असून गुन्हा दाखल केला. पोलिसांनी शनिवारी सापळा रचून या नराधम आरोपीला अटक केली आहे.