ना WiFi, ना लक्झरी सुविधा; 'या' श्रीमंत देशाचा पंतप्रधान 36 वर्ष जुन्या विमानात करतो प्रवास; भारतात येताच झाली फजिती

दिल्ली, 12 सप्टेंबर :  नुकतीच भारतात G20 परिषद उत्साहात पार पडली. तब्बल 20 देशाच्या राष्ट्रप्रमुखांनी सहभाग नोंदवत या सोहळ्याची शान वाढवली. सगळे राष्ट्रप्रमुख खुश होऊन परतले. पण G20 परिषदेत सहभागी होण्यासाठी आलेले कॅनडाचे पंतप्रधान जस्टिन ट्रूडो गेल्या 3 दिवसांपासून भारतात अडकले होते. त्यांच्यासोबत त्यांचे संपूर्ण शिष्टमंडळही अडकले होते. यामागचं कारण म्हणजे त्यांचं विमान. कारण त्यांच्या अधिकृत विमानात तांत्रिक बिघाड होता. त्यांचं हे विमान तब्बल ३६ वर्ष जुनं आहे. जस्टिन ट्रूडो यांचं अधिकृत विमान हे 1987 मध्ये वॉर्डएअरने विकत घेतले, परंतु नंतर रॉयल कॅनेडियन एअर फोर्सने ते सैन्यासाठी वापरण्यास सुरुवात केली, परंतु सध्या ते कॅनेडियन पंतप्रधान वापरतात. या विमानात यापूर्वीही अनेकदा तांत्रिक समस्या निर्माण झाल्या आहेत.