आधी छत कोसळलं अन् नंतर अमोनिआ गळती; माजी मंत्र्याच्या मालकीच्या कोल्ड स्टोरेजमध्ये भयंकर दुर्घटना, पाच मजुरांचा मृत्यू

नवी दिल्ली: कोल्ड स्टोरेजचे छत कोसळल्याने मोठा अपघात झाला आहे. उत्तर प्रदेशातील प्रयागराजमध्ये एका भीषण अपघाताने संपूर्ण देश हादरला आहे. या दुर्घटनेनंतर गॅस लीक झाल्याने परिसरातील अनेकांना श्वास घेण्यास त्रास होत असल्याची माहिती समोर आली आहे. यामध्ये पाच मजुरांचा मृत्यू झाल्याची माहिती असून मृतांचा आकडा वाढण्याची भीती व्यक्त होत आहे. या हृदयद्रावक घटनेमुळे सर्वत्र हळहळ व्यक्त केली जात असून प्रशासकीय यंत्रणेच्या सुरक्षेवर प्रश्नचिन्ह उपस्थित केले जात आहे. महत्त्वाचे म्हणजे हे कोल्ड स्टोरेज हे एका माजी  मंत्र्याचे असल्याची माहिती समोर आली आहे.