डबल डेकर बसला भीषण आग, इमर्जन्सी दार लॉक, 2 मुलांसह 5 प्रवाशांचा मृत्यू, थरकाप उडवणारा पहिला VIDEO

आगीची माहिती मिळताच अग्निशमन दल घटनास्थळी दाखल झाले. त्यांनी तातडीनं प्रवाशांना बाहेर काढायला सुरुवात केली. जखमी प्रवाशांना जवळच्या रुग्णालयात नेलं. ही धक्कादायक घटना उत्तर प्रदेशातील लखनऊ इथे घडली. किसान पथ इथे एका खासगी बसला अचानक आग लागल्याने दोन निष्पाप मुलांसह एकूण पाच प्रवाशांचा होरपळून दुर्दैवी मृत्यू झाला. ही बस बिहारहून दिल्लीच्या दिशेने जात होती आणि या बसमध्ये सुमारे ८० प्रवासी प्रवास करत होते.

पोलिसांनी दिलेल्या माहितीनुसार, ही दुर्दैवी घटना आज पहाटे ५ वाजताच्या सुमारास घडली. बसला आग लागल्याची माहिती मिळताच अग्निशमन दलाच्या गाड्या आणि पोलीस तातडीने घटनास्थळी दाखल झाले आणि त्यांनी आगीवर नियंत्रण मिळवले. मात्र, तोपर्यंत बसमधील पाच प्रवाशांचा जीव वाचवण्यात यश आले नाही.