आता गुपचूप लग्न लागणार नाही; लग्नाची नोटीस थेट पालकांच्या मोबाईलवर येणार, गुजरातमध्ये विवाह नोंदणीचा नवा नियम

अहमदाबाद : गुजरातमध्ये आता घरच्यांना न सांगता किंवा चुपचाप लग्न करण्याचा मार्ग कठीण होणार आहे. गुजरात विधानसभेत विवाह नोंदणीसंदर्भात नवीन नियमांची घोषणा करण्यात आली असून, या प्रस्तावित बदलांमुळे प्रत्येक विवाहापूर्वी आई-वडिलांना अनिवार्यपणे माहिती देणे बंधनकारक ठरणार आहे. त्यामुळे पळून जाऊन किंवा कुटुंबीयांच्या नकळत लग्न करणाऱ्या जोडप्यांसाठी हा मोठा धक्का मानला जात आहे. सरकारने विवाह नोंदणी कायद्यात (Marriage Registration Act) दुरुस्तीचा प्रस्ताव सादर केला असून, हे नियम लागू झाल्यानंतर राज्यातील विवाह नोंदणीची संपूर्ण प्रक्रिया बदलणार आहे.